కావల్సినవి:  చిక్కుడుకాయ – పావుకేజీ, మెంతికూర – పెద్ద కట్ట (2 కప్పులు), ఉల్లిపాయ – 1 , పచ్చి మిర్చి – 2, అల్లం,వెల్లుల్లి పేస్ట్ – టీ స్పూన్, నూనె – టేబుల్ స్పూన్, ఆవాలు – టీ స్పూన్, మినప్పప్పు – టీ స్పూన్, జీలకర్ర – అర టీ స్పూన్, ఎండుమిర్చి – 2 (మధ్యకు విరవాలి), పసుపు – పావు టీ స్పూన్, ఉప్పు – తగినంత, కారం – పావు టీ స్పూన్

తయారీ:  చిక్కుడు కాయలను, మెంతికూరను శుభ్రం చేసి, సిద్ధంగా ఉంచుకోవాలి.  పొయ్యి మీద కడాయి పెట్టి, ఆవాలు, మినప్పప్పు, జీలకర్ర, ఎండుమిర్చి వేసి వేయించాలి. ఉల్లిపాయలు, పచ్చిమిర్చి వేసి వేయించాలి.  అల్లం – వెల్లుల్లి పేస్ట్, చిక్కుడు కాయల ముక్కలు వేసి కలపాలి. ఉప్పు, పసుపు, అర కప్పు నీళ్లు పోసి, పైన మూత పెట్టి ఉడికించాలి. పది నిమిషాల తర్వాత మంట తగ్గించి, నీళ్లన్నీ తగ్గేంత వరకు ఉంచాలి. దీంట్లో మెంతి ఆకులు, కారం వేసి కలపాలి. కూర పొడిగా అయ్యేంత వరకు ఉంచి దించాలి.

Leave a Reply

© 2019 Namo Telangana · Subscribe: RSS Twitter · Powered by Plexus KPO